† † JESUS MY LORD† †

منتدى يسوع ربى اكبرمنتدى مسيحى للميديا المسيحيه رائــــــــــــــــــــــع جدا
 
HomeCalendarFAQSearchRegisterLog in
تم عمل TOOLBAR خاص بالمنتدى لتحميلة اضخط هنا
منتدى يســوع ربـــى يرحب بكم ††† قوانين المنتدى ††† 
 
منتدى يســــوع ربــــى فتح باب الأشراف†††قوانين الاشراف†††

Share | 
 

 مقارنة بين الطفل البيئة و الطفل الهاى لايف....مش مسئوليتى انك تموت من الضحك....!!!!

View previous topic View next topic Go down 
AuthorMessage
DoDo
عضو نشيط
عضو نشيط


Male عدد المساهمات : 33
تاريخ التسجيل : 2009-08-23

PostSubject: مقارنة بين الطفل البيئة و الطفل الهاى لايف....مش مسئوليتى انك تموت من الضحك....!!!!   Mon Sep 07, 2009 2:31 pm

Very Happy الطفل الهاى لايف: Very Happy

1-الولد من دول يصحى على صوت الكناري اللي في اوضته
- سو سو سو سو

2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالموز من فرنسا ويغسل أسنانه بمعجون سيجنال تو

3- يطلع من الحمام يلاقي الدادا مستنياه بفوطه من حريييييير .... وتلاعبه وتهزر معاه بالانجليزي
- الدادا معاها دكتوراه من جامعة اسفخص في لندن!

4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها
- اريال .... نسيم الصباح

5- يجيب جزمته من الجزامه ... اللي مليانه جزم وكوتشيهات ... وسبووورز
- تقولش دخلت محل لطفي أو توكيل تمبرلاند

6- ينزل يفطر مع مامي ودادي ... والفطار كورن فليكس بطعم الستروباري(الفراولة) او الشوكولات
- كورن فيليكس كلووقز .. مش بسكو مصر

7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين تشييييز و كيس شيبسي و عصير جهينه او ايزي موزوو
- ايزي مووزو !!!! فاكرين الاعلان ده ؟؟؟

8- يسلم على دادي اللي يديله البوكيت موني بالدولار ..... مش يعرفه حاجه اسمها جنيه!
- جنيه ايه؟؟؟؟ دي عملة انكردت من زمااان!

9- يطلع من البيت بعد الدادا ماتلبسه الشنطه بتاعة الكتب على ضهره
- بنشوف الشنطه دي مع الخواجات في شرم وبس

10- يركب الباص بتاع السكول .... ويشاور (باي باي) للدادا ولمامي ... ويركب مع زمايله ويغنو بالانجليش او الفرينش

- فريدرو جاكو .... فريدرو جاكو ... هايللبووه
------------------------------------------------
الطفل البيئة

1- طااااااااااخ!.... اخوه رمى عليه طوبه عشان بقاله ساعتين بيصحي فيه ... وهو ولا هنا
- طبعا .. مقضيها صرمحه في الشارع للفجر

2- العيال دي ماتعرفش اختراع اسمه (غسيل الوش بعد ما تقوم من النوم) .... هو شوية خناق مع اخواته ويبقى صحصح على الآآآآآآآخر
- بدل تمارين الصباح ... رياضه برضه

3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه .... انشالله صرصار .. برضه هاياكله من الجوع

- عشان كده ماتلاقيش في بيتهم صراصير أبداً!

4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم
- هدومه كلها مكرمشه ... تقولوش طالعه من بق كلب

5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه
- طبعا ما يعرفش اختراع اسمه الشرابات

6- دلوقتي معاد حرب كل يوم:
ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
ممممم....و دى تيجى بردو يا حبيبى
فى دى: طااااااااخ....ضربة بالحله على نفوخه

7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول
- مايعرفش يعني ايه قلم .... غير اللي بياخده على قفاااه

8- هايروح مدرسته ازاي ؟؟؟ طبعا اي ميكروباس او عربيه نقل وقضيها شعبطه
- ليااااااااااااااااااااااااااااقة
-----------------------------------
في طابور المدرسة
------------------

الطفل الهاى لايف
-----------------------
1- العيال كلهم واقفين في صفوف شكلها يفرح .. ده غير ريحتهم اللي زي الفل
- نضافه رباااااااااني

2- الطابور كله تمارين ونشاط
- على انغام الدي جي ياسر شاكر

3- الاذاعه المدرسيه ... اخبار من مجلات واشنطون بوست
- وطبعا .... مفيش ترجمه

4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه

5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله
-----------------------------------------
الطفل البيئة
------------------
1- داخل المدرسه متأخر وحالته نيله
- اتشعبط في مكروباس (شبرا) ... ومدرسته اصلا في (الحلميه)

2- بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري ... أقصد زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم

3- الإثاحه الملثيه .....----> تحريف لكلمة (الاذاعة المدرسيه)
- تخيلو انتو باقي الأخبار بقى

4- النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟
- طبعا على موسيقا آلات النفخ .... الشيشة!!!!

5- في مرحلة طلوعهم الفصول .... بيختلط الحابل بالنابل
- ياترى انا في فصل ايه النهارده ؟؟؟

بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتى
-------------------------------------------
الطفل الهاى لايف
--------------------------
1- يرجع من السكول تكون الدادا في استقباله ... وتشيل منه الشنطه ... ويغسل وشه ويغير هدومه
- والله العظيم ... وشه انضف من ما كان طالع الصبح أصلا

2- بعد يغير هدومة و يغسل وشه....يقعد يلعب بلاي ستيشن لحد ما يعملو الغدا
- الغدا بتاعهم بنشوفه في الأفلام الأمريكيه

3- هنى ... دينر إز ريدي
- السيييم بتاعهم لما يجهز الغدا

4- بعد الغدا ... يشرب كبايه (اورانج جوس) وينام ساعه عشان يعرف يذاكر ويحل الهوم وورك
-----------------------------------
الطفل البيئة
-------------

1- أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان
2- امه لسه ماخلصتش الغدا
- النهارده امه دابحه دكر جبنه بيضه ... واحتمال يكون في فول بالصلصه

3-ترا لا لااااااااااااااااااااااااا
- دي اعلان الحرب ... أو الغدا <<<<<هجووووووووووم

4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع

- تنااااااااحه ... فور آيفير

بعد حالة التناحه او النوم دي ... بيجي وقت الشده ... ياترى الحياه معاهم - الطفل الفافي .. والطفل البييئه - عامله ازاي ؟؟؟؟
-----------------------------------
الطفل الهاى لايف
--------------------

1- يقوم من النوم على صوت الدادا ... الهادي طبعا .. عشان يقوم يذاكر مع الميس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج!

2- بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف

3- يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعت مصر طبعا

4- على الساعه 10 يقوم عشان ينام .... والدادا تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله

5- ينام على صوت الدادا وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده
- ملاك نايم يا اخواتي!
-----------------------------------
الطفل البيئة
--------------------
1- يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد

2- يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز

3- اخته جابته عشان يحل الواجب ويذاكر .. بس مامعاهوش قلم ... قام نزل الشارع عشان يجيب قلم
- آدي دقني لو جاب ولا حتى رجع من أصله

4- على الساعه 2 الفجر ... باب بيتهم بيخبط .. وامه فتحت الباب شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه
- تقولش طفل من أطفال الانتفاضه

5- ساب امه وابوه وهم بيصالحو جارهم وبيبوسو ايده عشان ما يعملوش محضر .... واتسحّب المفعوص على المطبخ جاب حتة جبنه وطماطمايه ورغيف معطن .... وزوغان على السرير
-Sleep بسلامته نايم وهو متلفح بالبطانيه زي مايكون من مطاريد الجبل
Very Happy
Back to top Go down
mena love
المدير العام
المدير العام
avatar

Male عدد المساهمات : 44
تاريخ التسجيل : 2009-09-06

PostSubject: Re: مقارنة بين الطفل البيئة و الطفل الهاى لايف....مش مسئوليتى انك تموت من الضحك....!!!!   Mon Sep 07, 2009 3:49 pm

والنكته دي حلوه بس مش اوي يعني
Back to top Go down
DoDo
عضو نشيط
عضو نشيط


Male عدد المساهمات : 33
تاريخ التسجيل : 2009-08-23

PostSubject: Re: مقارنة بين الطفل البيئة و الطفل الهاى لايف....مش مسئوليتى انك تموت من الضحك....!!!!   Wed Sep 09, 2009 11:42 am

شكرا لردك
Back to top Go down
NADORA
مــؤسس الــمنتدى
مــؤسس الــمنتدى
avatar

Male Aries Rat
عدد المساهمات : 256
تاريخ الميلاد : 1996-04-16
تاريخ التسجيل : 2009-07-21
العمر : 20
الموقع : فى كف يســوع
العمل/الترفيه : السباحة
المزاج : رايق

PostSubject: Re: مقارنة بين الطفل البيئة و الطفل الهاى لايف....مش مسئوليتى انك تموت من الضحك....!!!!   Wed Sep 09, 2009 8:38 pm

شكراا على الموضوع الرائع دة ربنا يعوض تعب محبتك

_________________
لتصويت للمنتدى فى سباق المنتديات القبطية اضغط كل يوم هنـــــا
Back to top Go down
http://jesusmylord.up-with.com
مسـ فاتى ـيو
المدير العام
المدير العام
avatar

Male Virgo Tiger
عدد المساهمات : 267
تاريخ الميلاد : 1986-08-28
تاريخ التسجيل : 2009-09-09
العمر : 30
العمل/الترفيه : الكورة

PostSubject: Re: مقارنة بين الطفل البيئة و الطفل الهاى لايف....مش مسئوليتى انك تموت من الضحك....!!!!   Thu Sep 10, 2009 12:25 am

نكت او موضوع جامد يا دودو



تسلم ايدك

_________________
لتصويت للمنتدى فى سباق المنتديات القبطية اضغط كل يوم هنـــــا
Back to top Go down
NANOSA
مشرفة
مشرفة
avatar

Female Scorpio Cat
عدد المساهمات : 234
تاريخ الميلاد : 1987-10-26
تاريخ التسجيل : 2009-07-25
العمر : 29
الموقع : فى حضن يسوع
العمل/الترفيه : ياريت
المزاج : هاديه

PostSubject: Re: مقارنة بين الطفل البيئة و الطفل الهاى لايف....مش مسئوليتى انك تموت من الضحك....!!!!   Thu Sep 10, 2009 2:31 am

جميــــــــــــــــــــــــــــــلة جدا
ههههههههههههههههههههههههههههههههههههههههههههههه
شكرااا جدا على الموضوع الرائع دة ربنا يعوض تعب محبتك

_________________
Back to top Go down
DoDo
عضو نشيط
عضو نشيط


Male عدد المساهمات : 33
تاريخ التسجيل : 2009-08-23

PostSubject: Re: مقارنة بين الطفل البيئة و الطفل الهاى لايف....مش مسئوليتى انك تموت من الضحك....!!!!   Thu Sep 10, 2009 8:43 pm

شكرا لردكم كلكم
ربنا معاكم
Back to top Go down
 
مقارنة بين الطفل البيئة و الطفل الهاى لايف....مش مسئوليتى انك تموت من الضحك....!!!!
View previous topic View next topic Back to top 
Page 1 of 1

Permissions in this forum:You cannot reply to topics in this forum
† † JESUS MY LORD† †  :: † † منتديات الترفية † † :: + منتدى النكت +-
Jump to: